A finalizat eth cors 2009 - 2010, e coma cada an, mos tòque hèr ua petita avaloracion. Academicament, e de manèra generau, s’an artenhut es següenti resultats:
Ena ESO s'a graduat eth 80% der alumnat.
En Bachillerat s'a mantengut eth 80% d'aprovadi, e enes Pròves de Selectivitat (PAU) s'a artenhut eth 96% d’aprovadi, en tot igualar, per çò qu'ei des qualificacions, ara mejana catalana.
De manèra generau, es aspèctes abordadi, pendent eth cors an estat:
1. Eth dessenh e aprobacion deth Plan Estrategic deth centre.
2. Era realizacion dera PreAuditoria deth Plan de Qualitat damb un nivèu de satisfaccion fòrça acceptable.
3. Era implementacion e aplicacion deth Manuau d’Ensenhament Aprendissatge des diferenti corsi (ESO, Bachilierat e CF)
4. Era realizacion deth Manuau de Gestion deth centre.
5. Auem sometut eth Projècte Educat 1x1 en 1er cicle dera ESO.
6. Er aquesiment de diferenti recorsi TAC e era digitalizacion des aules.
7. Eth desvolopament des diferentes seccions dera web der Institut:www.iesaran.com. Tanben s’a contunhat entot trabalhar sus era estructura deth moodle educatiu der Institut: www.iesdaran.com
8. S’a artenhut eth PQPI – PTT de “Vendes, Oficina i Atenció al públic”, entà aqueres persones entre 16 e 21 ans que non an era ESO, e que vòlen apréner un mestièr. En aguest apartat, era collaboracion deth Conselh Generau d’Aran a estat importanta entà un cors que pòt evitar de manèra manifèsta eth risc d'exclusion sociau.
9. S’a desvolopat eth Programa Qualifica’t entàs dues familhes de cicles formatius der Institut, e s’an realizat diferentes activitats, laguens deth programa, entàs empreses deth territòri.
10. Eth seguiment des òbres de reabilitacion deth centre, de manèra coordinada entàs diferentes parts implicades.
11. S’a revisat, modificat e aprovat eth Projècte lingüistic.
12. Eth supòrt e era consolidacion dera publicacion dera revista der Institut: “Tot de toti”.
13. S’a desvolopat eth Plan d’Impuls d’anglés entàs CFs.
14. S’an plantejat 8 activitats esportiues e tres de culturaus laguens deth Plan Catalan der Espòrt ena Escòla, damb 90 inscripcions ena totalitat des activitats.
15. Formacion d'Escolans Universitaris: s’a concretat un plan de trabalh damb era Universitat.
16. S’an assolit trabalhs iniciadi eth cors passat: PDAS e servici de missatgeria, participacion ena AEE der Institut..
